මන්නාරම ආසන්නයේ, විල්පත්තු අභය භූමියට මායිම්ව ඇති පොම්පරිප්පුව තරමක් ප්රකටව ඇත්තේ එහි
සොයා ගෙන ඇති පූර්ව ඓතිහාසික සුසාන භූමිය නිසාය. එහෙත් මේ අවට ප්රදේශය තවත් අප්රකට ඓතිහාසික තොරතුරු
රාශියක් සඟවා ගත පෙදෙසකි. විජය කුමරු ගොඩබැස්ස බවට සැළකෙන තම්මන්නාවද මේ අසළය.
විජය කුමරු ඓතිහාසික චරිතයක් වුවද නැතද තම්මැන්නාව ඉපැරණි යුගයේ පටන්ම නැව් තොටකි.
මේ පෙදෙසට නිරන්තරයෙන්ම සංක්රමණිකයන් පැමිණි බවට විද්වත්හු කඩඉම් පොත්වලින්
සාක්ෂි දක්වති. කුවේණියගේ මාළිගාව වර්තමාන විල්පත්තු භූමියේ පිහිටා තිබුණු බව ජනප්රවාදවල
කියැවේ. අතීත උරුවේල ජනපදය මේ බවද කියැවේ. විජය කුමරු ගොඩ බට බවට සැළකෙන කුදිරමලයද
මීට ආසන්නය. එහි ප්රාග් ඓතිහාසික ජනාවාසයක් පැවති බවට සාධක ඇත. විජය ගොඩ බසින කල
පැවති සිරිසවත්ථුපුරයද මීට ආසන්න ප්රදේශයක් විය හැකියැයි ඇතැමෙක් සිතති. තවත්
ඇතැමකු සිතන්නේ එළාර රජුගේ දීඝ ජන්තු සෙනෙවියාගේ ඉල්ලීම අනුව යුද්ධයට පැමිණි
භල්ලුකගේ සේනාව මේ ප්රදේශය ඔස්සේ රට තුළට ගිය බවයි. කෝට්ටේ යුගයේදී මලල දේශයෙන්
පැමිණි පිරිසකට වීර පරාක්රමබාහු රජු මේ ප්රදේශයෙන් ඉඩම් දුන් බවටද කඩඉම පොත්වල
කියැවේ.
පොම්පරිප්පුව සොහොන්
බිමෙහි කළ ගවේෂණවලින්, මිනිස් ඇට කටු සහිත විශාල මැටි බඳුන් සොයාගෙන ඇත. ඊට අමතරව තබක්ක අංජන කූරු
කිහිපයක්ද සොයාගෙන ඇත. මේ ප්රදේශය ආසන්නයේ සිරිසවත්ථු සහ ලංකාපුර යන යක්ෂ නගර දෙක
පිහිටා තිබෙන්නට ඇති බව ඇතැමකුගේ මතයයි. මේ එක බඳුනක මිනී ඔලුවක්ද හමු වී ඇත. විජය
එනවිට කුවේණිය කපු කටිමින් සිට මුණ ගැසුණු ප්රදේශය, පොම්පරිප්පුවට
සැතපුම් තුනක් පමණ දකුණින් ඇති එළුවන්කුලම බව කියැවේ.
(මුදියන්සේ දිසානායක, ඓතිහාසික වන්නියේ සංස්කෘතිය
ඇසුරිනි)
