උග්ගල් අලුත් නුවර දේවාලය අදටත් නොකිලිටි භක්තියෙන් පුද සත්කාර වතාවත් කරමින් පවත්වාගෙන යන කතරගම දෙවිඳුන්ට කැප කළ දෙවොලකි; සුන්දර, සැනසිලිදායක, දෙවියන්ටද ප්‍රිය උපදවන අන්දමේ තැනකි.
මේ දේවාලය ඉදිකර ඇත්තේ සීතාවක රාජසිංහයන්ට සමකාලීනව මේ ප්‍රදේශය පාලනය කළ යාපා නම් ප්‍රාදේශීය කුමාරයෙකි. ඇතැම් ප්‍රාදේශීය ජනප්‍රවාදවලට අනුව, මෙය කතරගම මහසෙන් දෙවියන් මිනිස් වෙසින් වසන කාලයේදීද සමහර විටෙක රාජ සභාවන් පැවැත්වූ තැනකි. දේවාල මළුවේ ඇති තනි පොල්ගස ඇති තැන පුරාණ
මෙය පසෙකින් බොහෝ වයස්ගත කොස් වෘක්ෂයක් ඇත. බොහෝ දෙනා සිය දුක් ගැනවිලි කියා එහි බාර ගැට ගසති. පෙර කී යාපා කුමරු (යාපා රජු) සීතාවක රාජසිංහයන් සමග ගැටුමක් ඇති කරගෙන ඇත. ඒ වනවිටද මෙහි යම් පුජනීය ස්ථානයක් තිබුණු බව සිතිය හැකිය. සටන යාමට පෙර යාපා රජු මෙම කොස් වෘක්ෂය වෙත බාරයක් විය. සටනින් දෙපාර්ශවයම ජයක් නොලද්දාහ. රාජසිංහ රජු, යාපා රජු සමග ගිවිසුමකට එළඹීමට කැමැත්ත පළ කළේය. සිය බාරය ඔප්පු කරනු වස් යාපා රජු මේ දේවාලය කරවීය.
මෙම කොස් වෘක්ෂයට සත්කාර කරනු වස් අතීතයේ රාජකාරි භාර ප්‍රදේශවාසීහු සිටියහ. සිරි මා බෝ සමිඳුන් හැරුණු කොට රාජකාරි කැප කර තිබුණු එකම වෘක්ෂය මෙයයි.
මහලුව දිරාපත් කඳින් යුතු වුවද නොවෙනස් තපෝ ගුණය දක්වන මේ වෘක්ෂ රාජයෝ අදත් බැති සිතින් එන මිනිසුන්ගේ දුක් ගැනවිලි කුළුණින් අසති.
No comments:
Post a Comment